Back مبادئ يوغياكارتا Arabic Джак’якарцкія прынцыпы Byelorussian Principis de Yogyakarta Catalan Yogyakartské principy Czech Yogyakarta-Prinzipien German Yogyakarta Principles English Principoj de Jogjakarto Esperanto Principios de Yogyakarta Spanish Yogyakartako Printzipioak Basque Principes de Yogyakarta French
Los Principios de Yogyakarta: Principios sobre l'aplicación de la llexislación internacional de derechos humanos con rellación a la orientación sexual y l'identidá de xéneru o, a cencielles, Principios de Yogyakarta,[1] ye un documentu que recueye una serie de principios relativos a la orientación sexual y identidá de xéneru, cola cuenta d'empobinar la interpretación y aplicación de les normes del Derechu internacional de los derechos humanos, estableciendo unos estándares básicos, pa evitar los abusos y dar proteición a los derechos humanos de les persones lesbianes, gais, bisexuales y transexuales (LGBT).
El documentu foi ellaboráu a pidimientu de Louise Arbour, ex Altu Comisionado de les Naciones Xuníes pa los Derechos Humanos (2004-2008), por 16 espertos en derechu internacional de los derechos humanos de diversos países,[2] incluyendo miembros de la Comisión Internacional de Xuristes, del Serviciu Internacional pa los Derechos Humanos, académicos y activistes, axuntaos na ciudá de Yogyakarta, Indonesia, na Universidá de Gadjah Mada, ente'l 6 y 9 de payares de 2006.
El documentu final contién 29 principios, aprobaos por unanimidá polos mentaos espertos, ya inclúi encamientos a los gobiernos, les instituciones intergubernamentales rexonales, la sociedá civil y a la mesma organización de les Naciones Xuníes.[2] Ente los firmantes de de los principios de Yogyakarta atópense Mary Robinson, Manfred Nowak, Mauro Cabral, Martin Scheinin, Elizabeth Evatt, Philip Alston, Edwin Cameron, Asma Jahangir, Paul Hunt, Sanji Mmasenono Monageng, Sunil Babu Pant, Stephen Whittle y Wan Yanhai.
Los Principios de Yogyakarta fueron presentaos, como una carta global pa los derechos LGBT, el 26 de marzu de 2007 ante'l Conseyu de Derechos Humanos de les Naciones Xuníes en Xinebra. Estos principios nun fueron adoptaes polos Estaos nun tratáu, y por tanto nun constitúin, por sigo mesmos, un preséu venceyante del Derechu internacional de los derechos humanos. Sicasí, los sos redactores pretenden que los Principios de Yogyakarta sían adoptaos como una norma universal, esto ye, un estándar xurídicu internacional d'obligatoriu cumplimientu pa los Estaos, ante lo cual dellos países espresaron les sos reserves.